Gulrótarsúpa með kókos

Þessa uppskrift sá ég á vinotek.is

Hún er einföld, fljótleg og bragðmikil. Ef þið eruð viðkvæm fyrir sterku þá getið þið bara sett aðeins minna af kryddunum.

1 laukur, saxaður
3-4 sm engiferrót, flysjuð og rifin
10 gulrætur, flysjaðar og skornar í grófa bita
1 msk karrí-krydd
1 tsk chili-flögur
500 ml grænmetissoð
1 dós (400 ml) kókosmjólk
ólífuolía

Hitið olíuna í þykkum potti og steikið laukinn ásamt engifer þar til hann byrjar að brúnast. Bætið þá karrí og chiliflögum saman við og hrærið saman. Bætið gulrótarbitunum við og steikið áfram í 4-5 mínútur. Helliið heitu grænmetissoði út í pottinn. Hrærið vel saman og leyfið að malla við suðupunkt í um korter.

Setjið í matvinnsluvél og maukið (eða maukið með töfrasprota beint í pottinum). Hellið aftur í pottinn og bætið kókosmjólkinni saman við. Hitið upp að suðu og leyfið að malla hægt í 2-3 mínútur.

Setjið í skálar og skerið smá graslauk yfir til skreytingar. Berið fram með heitu naan-brauði.


Líkar uppskriftir

Athugasemdir

Engar athugasemdir ennþá

Vertu fyrst(ur) til að skrifa athugasemd skrifa athugasemd við færslu

Skrifa athugasemd