Kjúklingur í pekanhnetu raspi

Þegar fín malað mjöl er minnkað eða tekið alveg úr mataræðinu tekur maður fljótlega eftir því að mjöl er alls staðar og þar með talið í raspi og stökkum hjúp („crust“) utan um fisk eða kjöt. Í þessari uppskrift er raspið eða „crustið“ búið til úr pekanhnetum. Frábær leið til að hjúpa kjúkling án þess að nota hveiti.

100 ml Dijon-sinnep (eða t.d. lífrænt sinnep)
2 msk. lífrænt hunang
100 gr pekanhnetur, muldar í matvinnsluvél
4 kjúklingabringur
½ tsk. sjávarsalt

——————————-

Hitið ofninn í 180°C.
Blandið saman sinnepi og hunangi.
Þerrið aðeins bringurnar og veltið hverri fyrir sig fyrst upp úr sinnepsblöndunni og svo hnetumulningnum.
Leggið í smurt, eldfast mót. Saltið og setjið inn í ofn.
Eldið í um 45 mínútur.
Með þessu er gott að bera fram t.d.sætar kartöflur og klettasalat með perum, eplum og furuhnetum.


Líkar uppskriftir

Athugasemdir

Engar athugasemdir ennþá

Vertu fyrst(ur) til að skrifa athugasemd skrifa athugasemd við færslu

Skrifa athugasemd