Undrakúlur

Þessar eru mjög einfaldar og meinhollar. Í þeim eru hafrar og hnetusmjör sem hafa góð áhrif á blóðsykurinn og í þeim eru líka hörfræ sem innihalda omega 3 fitusýrur og chia fræ sem er ofurfæða. Þær eru sætaðar með hunangi eða agave, ég notaði agave í þetta sinn. Maður þarf ekki að hafa samviskubit yfir að fá sér þetta gotterí.

1 bolli hafrar
2/3 bolli ristaðar ósætaðar kókosflögur
1/2 bolli hnetumsjör (betra að hafa það frekar mjúkt þegar kúlurnar eru gerðar)
1/2 bolli mulin hörfræ
1/3 bolli hunang eða agave sýróp
1/4 bolli ósætt kakó
1 msk chia fræ
1 tsk vanillu extract

———-

Hrærið öllum innihaldsefnunum saman í meðalstórri skál (ég notaði Kitchenaid hrærivélina mína til að auðvelda vinnuna). Hyljið skálina og setjið í ísskáp í a.m.k. 30 mínútur til að það sé auðveldara að ná kúlunum saman á eftir.

Mótið litlar kúlur með höndunum, þið getið þurft að kreista þær soldið til að þær haldist saman. Geymið í loftheldu íláti í ísskáp. Þær eiga að geymast í viku í ísskáp.

Ef þær eru of þurrar bætið þá auka matskeið eða svo af hunangi eða hnetusmjöri. Ef þær eru of blautar bætið þá við höfrum.


Líkar uppskriftir

Athugasemdir

Engar athugasemdir ennþá

Vertu fyrst(ur) til að skrifa athugasemd skrifa athugasemd við færslu

Skrifa athugasemd