Æðislega góð og einföld nammiostakaka
Botn:
200 gr súkkulaðikex (Homeblest er best)
70 gr smjör
Fylling:
300 gr rjómaostur
1 dl sykur
2 msk mjög sterkt kaffi (sem búið er að laga)
2 dl rjómi, þeyttur
75 gr Daim kúlur (ca einn poki)
Skraut:
25 gr Daim kúlur
– – – – – – – – – – – –
Botn:
Myljið súkkulaðikexið mjög smátt, bræðið smjörið, bætið súkkulaðikexinu út í smjörið og hrærið vel saman.
Þessu er svo þrýst í botninn á álmóti.
Fylling:
Hrærið ost og sykur, blandið kaffinu saman við, síðan þeyttum rjóma og Daim kúlum. Setjið fyllinguna yfir kexmylsnuna og kælið.
Skraut:
Stráið Daim kúlum yfir.
Gott er að búa kökuna til daginn áður en á að borða hana. En hún verður síður en svo verri eftir 2 daga.
Please follow and like us: