Þessi uppskrift kemur úr bók með uppskriftum fyrir betri blóðsykur og er því hentug fyrir sykursjúka. Hún inniheldur blöndu af hveiti og heilhveiti og mikið af sveppum og er því í hollari kantinum fyrir pizzu. Úr þessu kemur ein 12″ pizza.
Botn:
3/4 bolli heilhveiti
3/4 bolli hveiti
2 tsk quick-rising ger
3/4 tsk salt
1/4 tsk sykur
1/2-2/3 bollar heitt vatn (50-55°C/120-130°F)
2 tsk ólífuolía
Setjið heilhveiti, hveiti, ger, salt og sykur í matvinnsluvél og “pulsið” nokkrum sinnum til að blanda öllu saman. Mælið vatnið (byrjið með 1/2 bolla) og bætið olíunni samanvið. Setjið matvinnsluvélina í gang og hellið vatnsblöndunni í gegnum opið á vélinni. Bætið við meira vatni eftir þörfum þangað til deigið fer að haldast saman í kúlu. Deigið á að vera mjög mjúkt. Ef það er of þurrt, bætið þá við 1-2 msk af heitu vatni en ef það er of klístrað bætið þá við 1-2 msk af hveiti.
Stráið smá hveiti á borð (ca 1 msk) og hnoðið aðeins samanvið deigið. Spreyið plastfilmu með smá non-stick spreyi og setjið utanum deigið. Látið það standa í 10-20 mínútur. Farið á meðan í næsta skref.
————-
Hitið ofninn í 230°C (450°F)
2 tsk ólífuolía
250 gr hvítir eða cremini sveppir, smátt skornir
1/2 bolli rauðlaukur, smátt skorinn
2 hvítlauksgeirar, kramdir
1/2 tsk þurrkuð steinselja
smá salt
smá nýmalaður pipar
2/3 bollar marinara sósa (líka má nota kramda tómata úr dós)
1/2 tsk chiliflögur (má sleppa ef þið viljið ekki hafa þetta sterkt)
1 tsk þurrkað oregano
1 1/4 bolli rifinn mozzarella ostur
Setjið smjörpappír á ofnplötu eða pizzaplötu ef þið eigið þannig. Hitið 2 tsk af ólífuolíu á stórri pönnu á meðalháum hita. Steikið sveppina í 3-4 mínútur eða þar til þeir mýkjast og brúnast. Bætið við hvílauknum og steikið áfram í 30 sekúndur. Takið af hitanum og bætið við steinselju, salti og pipar.
Blandið chiliflögum og oregano samanvið sósuna. Stráið smá hveiti á borð og fletjið út pizzuna (þetta á að vera ca 12″ pizza). Setjið sveppina á pizzuna og dreifið rauðlauknum yfir. Setjið að lokum ostinn á. Bakið í miðjum ofni í ca 15 mínútur eða þar til pizzan verður stökk og fer að taka lit.
Næringarupplýsingar fyrir einn skammt (1/4 af pizzunni):
368 kaloríur, 18 gr prótein, 45 gr kolvetni, 6 gr trefjar, 14 gr samtals fita, 5 gr mettuð fita, 22 mg kólesteról, 916 mg sodium
