1 stór kartafla
1 laukur, smátt skorinn
1 msk engifer, smátt skorið
2 hvítlauksgeirar
1 thai chili eða chili flögur eftir smekk, ef þið viljið hafa þetta sterkt
1 tsk salt
1/2 tsk cayanne pipar
1/2 tsk túrmerik
1 msk kóreanderduft (ground coriander)
500 gr nautahakk
smá olía til steikingar (t.d. canola)
2 tómatar eða kramdir tómatar í dós, ca einn bolli
dreift yfir í lokin: garam masala krydd og ferskur kóreander
——————————————————–
Fyllið stóra skál af vatni, skerið kartöfluna í þunnar sneiðar og leggið í bleyti í vatninu.
Steikið laukinn á pönnu þar til hann verður léttsteiktur, bætið þá kryddunum við ásamt engiferinu og hvítlauknum (og chili ef þið hafið það) og steikið í smá stund í viðbót.
Bætið við hakkinu og 1/4 bolla af vatni og blandið öllu vel saman.
Látið malla á meðalhita í nokkrar mínútur eða þangað til vatnið gufar upp að mestu leyti og hakkið er orðið nokkuð eldað. Hér má setja lok yfir pönnuna ef þið eigið slíkt.
Bætið kartöflunum út á pönnuna og látið malla áfram í nokkrar mínútur, bæti vatni eða olíu ef þarf.
Bætið tómötunum við og haldið áfram að elda þar til kartöflurnar eru eldaðar.
Skreytið með fersku kóreander og kryddið með garam masala
